अभिलाष गुप्ता
बारा ०३ मंसिर
एम्नेस्टी इन्टरनेसनल नेपाल (एआई नेपाल)ले आफ्नो ३४औँ वार्षिक साधारण सभा (AGM) मधेश प्रदेशको सिमरामा मंसिर ३ र ४ गते आयोजना गर्दै मानव अधिकार सम्बन्धी राष्ट्रिय एजेन्डामाथि व्यापक छलफल सुरु गरेको छ। देशभरका एम्नेस्टी समूह, युवा सञ्जाल, पूर्वअध्यक्ष, बोर्ड सदस्य, कर्मचारी, स्वयंसेवक तथा अवलोकनकर्तासहित १०० भन्दा बढी प्रतिनिधिहरूको सहभागितामा सभा प्रारम्भ भएको हो।
मुख्य एजेन्डा : प्रतिवेदन, बजेट, कार्ययोजना र विधान संशोधन
दुईदिने साधारण सभामा आर्थिक वर्ष २०८१/८२ का विधानजनित प्रतिवेदनहरू प्रस्तुत तथा अनुमोदन, सन् २०२६ का लागि वार्षिक मानव अधिकार कार्ययोजना र बजेट, २०८२/८३ का लागि लेखापरीक्षक नियुक्ति, साथै संस्थाको विधान संशोधन प्रस्तावमा मतदान प्रमुख एजेन्डाका रूपमा रहेका छन्। यससँगै तयारी समितिका लागि एक महिला सदस्यको निर्वाचन पनि गरिनेछ।
उद्घाटन समारोह : प्रमुख अतिथिको सम्बोधन सभाको औपचारिक उद्घाटन राष्ट्रिय मानव अधिकार आयोग, मधेश प्रदेश कार्यालयका प्रमुख बुद्ध नारायण सहनी केवटले गरेका छन्। उद्घाटन कार्यक्रममा स्थानीय तहका प्रतिनिधि, नागरिक समाज, विभिन्न संस्थाका पदाधिकारी तथा सञ्चारकर्मीहरूको उपस्थितिले कार्यक्रमलाई उत्साहपूर्ण बनाएको थियो।
उद्घाटनकै दिन “अन्तरपुस्ता संवाद : कानूनी शासन, जवाफदेहिता र मानव अधिकारको संस्कृति निर्माणमा युवाहरूको भूमिका” विषयक विशेष वक्तृता कार्यक्रमसमेत आयोजना गरिएको छ
