जयगाउँ। जयगाउँ कानू समाजको आयोजनामा कुलदेवता बाबा गणिनाथ गोविन्दजी महाराजको जयन्ती भव्य एवं श्रद्धापूर्वक मनाइएको छ।
कार्यक्रममा कानू समाजका सदस्य, स्थानीयवासी तथा श्रद्धालु भक्तजनहरूको उल्लेखनीय सहभागिता रहेको थियो। जयन्तीका अवसरमा बाबा गणिनाथ गोविन्दजी महाराजको पूजा–आराधना, धार्मिक अनुष्ठान तथा विभिन्न सांस्कृतिक कार्यक्रम आयोजना गरिएको थियो।
कार्यक्रममा सहभागी श्रद्धालुहरूले कुलदेवता बाबा गणिनाथ गोविन्दजी महाराजप्रति श्रद्धासुमन अर्पण गर्दै समाजमा एकता, भाइचारा, सद्भाव तथा धार्मिक–सांस्कृतिक परम्पराको संरक्षण गर्नुपर्नेमा जोड दिएका थिए।
आयोजक जयगाउँ कानू समाजले बाबा गणिनाथ गोविन्दजी महाराजको आशीर्वाद र शिक्षालाई आत्मसात् गर्दै समाजमा आपसी एकता, सद्भाव र भाइचाराको भावना अझ सुदृढ बनाउने उद्देश्यले जयन्ती विशेष रूपमा आयोजना गरिएको जनाएको छ।
धार्मिक तथा सांस्कृतिक वातावरणबीच सम्पन्न जयन्ती समारोहमा श्रद्धालुहरूको उत्साहपूर्ण सहभागिता रहेको थियो।
