हाजीपुर, भारत।
हाजीपुर शहरको ट्यागोर किड्स एण्ड हाई स्कूलमा आज भारतीय संविधान दिवस उत्साहपूर्वक मनाइयो। कार्यक्रमको शुभारम्भ विद्यालयका निर्देशक तथा मानवअधिकार पत्रकारितामा परिचित वरिष्ठ पत्रकार डा. शशि भूषण कुमारले दीप प्रज्वलन गरेर गरे।
“भारत और हमारा संविधान” विषयमा आयोजित परिचर्चामा डा. कुमारले १९४९ नोभेम्बर २६ मा संविधान सभा द्वारा भारतीय संविधान औपचारिक रूपमा स्वीकृत भएको तथा १९५० जनवरी २६ मा लागू गरिएको जानकारी दिए। उनले भने, “भारतमा संसदीय शासन प्रणालीको स्थापना गर्नु र नागरिकलाई मौलिक अधिकार प्रदान गर्नु नै हाम्रो संविधानको प्रमुख उद्देश्य हो।” उनका अनुसार यही कारणले संविधान दिवस देशभर सरकारी कार्यालय र विद्यालयहरूमा विशेष रूपमा मनाइन्छ।
प्रभारी प्राचार्या सुष्मिता वर्माले संविधान कुनै देश वा संस्थाको मौलिक नियमहरूको संकलन भएको बताइन्। उनले भनिन्, “संविधानले सरकारका संरचना, अधिकार, कर्तव्य र नागरिकका हक–कर्तव्य निर्धारण गर्छ। यही देशको सर्वोच्च कानून हो।”
कार्यक्रममा विभिन्न वक्ताहरूले भारत र संविधानको महत्त्वबारे प्रकाश पारे।
सो अवसरमा रूसी कुमारी, विवेक सर, कुन्दन कुमार, रेणु शर्मा, साक्षी कुमारी, लुवना नवाज, नेहा कुमारी, शबनम खानम, सुप्रिया कुमारीसहित विद्यार्थीहरूको उपस्थिति रहेको विद्यालयले जनाएको छ।
