पटना । बिहारका मुख्यमन्त्री श्री सम्राट चौधरीको लोकसेवक आवासमा डिजिटल जर्नलिस्ट एसोसिएसनका प्रतिनिधिमण्डलले डिजिटल पत्रकारका प्रमुख मागसहित ज्ञापनपत्र बुझाएको छ।
प्रतिनिधिमण्डलले डिजिटल पत्रकारहरूको सुरक्षा, पेन्सन, सरकारी विज्ञापनमा सहभागिता तथा डिजिटल पत्रकारितासम्बन्धी आवश्यक कानुनी व्यवस्थालगायतका विषय समेटेर मुख्यमन्त्री चौधरीसमक्ष ज्ञापनपत्र पेश गरेको हो।
ज्ञापनपत्र बुझ्दै मुख्यमन्त्री चौधरीले डिजिटल जर्नलिज्म कन्फरेन्स–२०२६ सफलतापूर्वक सम्पन्न भएकोमा आयोजक तथा सहभागी डिजिटल पत्रकारहरूलाई बधाई दिँदै उनीहरूको उज्ज्वल भविष्यको कामना गर्नुभयो।
मुख्यमन्त्री चौधरीले डिजिटल पत्रकारलाई मूलधारको पत्रकारितासँग जोड्दै उनीहरूको हकहित र व्यावसायिक सुरक्षाका लागि बिहार सरकार अघि बढिरहेको बताउनुभयो। उहाँले डिजिटल पत्रकारहरूको सुरक्षा, पेन्सन, सरकारी विज्ञापनमा सहभागिता तथा पत्रकारितासम्बन्धी आवश्यक कानुनी व्यवस्थाका विषयमा सरकार गम्भीर रहेको उल्लेख गर्नुभयो।
डिजिटल पत्रकारहरूको हकहित संरक्षण गर्दै उनीहरूको सुरक्षित र उज्ज्वल भविष्यका लागि बिहार सरकार आवश्यक पहल गर्न तत्पर रहेको मुख्यमन्त्री चौधरीले बताउनुभएको प्रतिनिधिमण्डलले जनाएको छ।
