बंगलादेश/
बंगलादेशमा बाबा गणिनाथ गोविन्दजी महाराजको जयन्ती भव्यताका साथ सम्पन्न
बंगलादेश । कुलदेवता बाबा गणिनाथ गोविन्दजी महाराजको जयन्ती बंगलादेशमा धार्मिक तथा सांस्कृतिक कार्यक्रमसहित भव्यताका साथ मनाइएको छ।
जयन्तीको अवसरमा श्रद्धालु भक्तजनहरूले विधिपूर्वक पूजा–आराधना गर्दै बाबा गणिनाथ गोविन्दजी महाराजको दर्शन तथा पूजा गरेका थिए। कार्यक्रममा ठूलो संख्यामा भक्तजनको सहभागिता रहेको थियो।
सो अवसरमा पूजापाठ, धार्मिक अनुष्ठान, भजन–कीर्तन तथा प्रसाद वितरणलगायतका कार्यक्रम आयोजना गरिएको थियो। भक्तजनहरूले भक्तिभावका साथ बाबा गणिनाथ गोविन्दजी महाराजको जयजयकार गर्दै जयन्ती मनाएका थिए।
कार्यक्रममा सहभागीहरूले बाबा गणिनाथ गोविन्दजी महाराजप्रतिको आस्था र विश्वासले समुदायलाई एकताबद्ध बनाउन महत्वपूर्ण भूमिका खेल्दै आएको बताए। साथै, धार्मिक तथा सांस्कृतिक परम्पराको संरक्षण र नयाँ पुस्तामा हस्तान्तरण गर्न यस्ता कार्यक्रमले महत्वपूर्ण योगदान पुर्याउने उनीहरूको भनाइ थियो।
जयन्ती समारोहले धार्मिक आस्था, सामाजिक एकता तथा सांस्कृतिक पहिचानलाई थप मजबुत बनाएको आयोजकहरूले बताएका छन्।
