वीरगञ्ज । जगरनाथपुर गाउँपालिका–२ निवासी क्यान्सर पीडित एक महिलाको उपचारका लागि समाजसेवी विशेश्वर चौधरीले रु. ५ हजार आर्थिक सहयोग गरेका छन्।
आर्थिक अभावका कारण समयमै अस्पताल पुग्न नसकेकी ती महिलाको स्वास्थ्य अवस्था पछिल्लो समय गम्भीर बन्दै गएको परिवारजनले बताएका छन्। उपचारका लागि आवश्यक रकम जुटाउन गाउँघरबाट सहयोग संकलन गर्नुपर्ने अवस्था आएपछि समाजसेवी चौधरीले सहयोग गरेका हुन्।
पीडित महिलाको माइती परिवारको आर्थिक अवस्था समेत कमजोर रहेको बताइएको छ। उनी हाल बाध्यतावश माइतीमै बस्दै आएकी छन्। उपचारका लागि थप आर्थिक सहयोग आवश्यक रहेकाले सहयोगी मन भएका व्यक्ति तथा संस्थालाई सक्दो सहयोग गर्न परिवारले आग्रह गरेको छ।
यसैबीच, समाजसेवी चौधरीले जगरनाथपुर गाउँपालिका–२ का वडाध्यक्षसँग समेत पीडित महिलाको उपचारका लागि आवश्यक सहयोग र पहल गरिदिन अनुरोध गरेका छन्। वडाध्यक्षले सहयोगका लागि पहल गर्ने आश्वासन दिएको बताइएको छ।
क्यान्सर पीडित महिलाको उपचारमा सहयोग गर्न इच्छुक व्यक्तिहरूले सम्पर्क नम्बर: [मोबाइल नम्बर ९८२०२०४७०३ मा सम्पर्क गर्न सक्नेछन्। सानो सहयोगले पनि पीडित परिवारको उपचारमा ठूलो राहत पुग्ने विश्वास गरिएको छ।
