रक्सौल, भारत/ लायन्स इन्टरनेशनल डिस्ट्रिक्ट ३२२ई को लायनिस्टिक वर्ष २०२६–२७ का लागि आयोजित पहिलो तयारी मन्त्रिपरिषद् बैठक तथा जिल्ला शिक्षा कार्यक्रम सम्पन्न भएको छ। पटनास्थित चाणक्य होटलको भव्य सभागारमा सम्पन्न कार्यक्रममा रक्सौल लायन्स क्लबलाई जिल्लास्तरीय महत्वपूर्ण जिम्मेवारी प्रदान गरिएपछि क्लबका सदस्य तथा स्थानीयवासीमा उत्साह छाएको छ।
निर्वाचित जिल्ला गभर्नर लायन संगीता नन्दाको नेतृत्वमा गठित नयाँ मन्त्रिपरिषद्मा रक्सौल लायन्स क्लबका वर्तमान अध्यक्ष लायन बिमल सर्राफलाई क्षेत्रीय अध्यक्षको महत्वपूर्ण जिम्मेवारी प्रदान गरिएको छ। उनको कार्यक्षेत्र अन्तर्गत रक्सौल, सीतामढी अम्बा, सीतामढी युवा तथा सीतामढी सेन्ट्रल लायन्स क्लबहरू रहेका छन्। साथै उनलाई ‘इन्डो–नेपाल मिट एण्ड रिलेसन’ का जिल्ला अध्यक्षको जिम्मेवारीसमेत दिइएको छ।
त्यसैगरी, रक्सौल लायन्स क्लबका वरिष्ठ सदस्य लायन नारायण रुङ्गटालाई क्षेत्रीय संयोजक (जीईटी), लायन साइमन रेक्सलाई जिल्ला अध्यक्ष (बुक बैंक), लायन मोहम्मद निजामुद्दीनलाई संयुक्त जिल्ला अध्यक्ष (भारत–नेपाल बैठक तथा सम्बन्ध) तथा लायन अमित कुमारलाई संयुक्त जिल्ला अध्यक्ष (क्षेत्रीय मञ्च) पदमा मनोनयन गरिएको छ।
कार्यक्रमको अध्यक्षता निर्वाचित जिल्ला गभर्नर लायन संगीता नन्दाले गर्नुभएको थियो। कार्यक्रममा पूर्व जिल्ला गभर्नरहरू लायन प्रकाश नन्दा, लायन विनोद अग्रवाल, लायन देशबन्धु गुप्ता, लायन मधेश्वर सिंह, लायन वीणा गुप्ता, लायन डा. शैलेश सिन्हा, लायन प्रवीण सिन्हा, लायन गणवंत मल्लिक, प्रथम उपजिल्ला गभर्नर लायन अविनाश शाह तथा द्वितीय उपजिल्ला गभर्नर लायन गीता शर्मा लगायत सयौं मनोनित पदाधिकारीहरूको सहभागिता रहेको थियो।
बैठकमा लायन्स इन्टरनेशनलको सेवा, नेतृत्व र मानवताको भावनालाई समाजमा थप प्रभावकारी रूपमा विस्तार गर्ने तथा सामाजिक उत्तरदायित्वसँग सम्बन्धित कार्यक्रमहरूलाई सशक्त बनाउने विषयमा सामूहिक प्रतिबद्धता व्यक्त गरिएको थियो।
रक्सौल लायन्स क्लबका सदस्यहरूलाई प्रदान गरिएका यी महत्वपूर्ण जिम्मेवारीप्रति विभिन्न सामाजिक तथा व्यावसायिक संस्थाहरूले खुशी व्यक्त गरेका छन्। भारत विकास परिषद्, शाखा–रक्सौलका अध्यक्ष रजनीश प्रियदर्शीले सबै मनोनित पदाधिकारीहरूलाई बधाई तथा शुभकामना व्यक्त गर्दै यस उपलब्धिले सम्पूर्ण रक्सौलको गौरव बढाएको बताए।
उनले नयाँ जिम्मेवारीसँगै रक्सौल लायन्स क्लबले सेवा, नेतृत्व र सामाजिक उत्तरदायित्वका क्षेत्रमा नयाँ आयाम स्थापित गर्दै भारत–नेपाल सीमावर्ती क्षेत्रमा जनहितकारी गतिविधिलाई थप गति दिने विश्वास व्यक्त गरे।
उक्त जानकारी रक्सौल लायन्स क्लबका अध्यक्ष तथा मिडिया इन्चार्ज लायन बिमल सर्राफले प्रेस विज्ञप्तिमार्फत सार्वजनिक गरेका
