वीरगंज, चैत २४ गते । वीरगंज महानगरपालिका वार्ड नम्बर ७ ले निःशुल्क लोक सेवा आयोग तयारी कक्षा सञ्चालन गरेको छ। यस कक्षामा ४५ जना युवा र युवतीहरुलाई लक्षित गरेर ६० दिनसम्म प्रशिक्षण प्रदान गरिने वार्डले जनाएको छ।
राष्ट्रिय जनचेतना विकास केन्द्रको सहकार्यमा सञ्चालन हुने कक्षामा लोक सेवा आयोग सम्बन्धी अप्रविधिक तर्फ नायब सुब्बा र खरिदार पदको लिखित परीक्षाको तयारी गराइनेछ।
तयारी कक्षाको उद्घाटन वार्ड अध्यक्ष हीराकाजी महर्जनले गर्नुभएको थियो। कार्यक्रममा बोल्दै अध्यक्ष महर्जनले हिम्मत नहार्दै दृढ सङ्कल्पका साथ अघि बढ्न सबैलाई प्रेरणा दिने विश्वास व्यक्त गर्दै आत्मविश्वासका साथ लोक सेवाको तयारी जुटाउन आग्रह गर्नुभयो।
वार्ड सचिव घनश्याम प्रसाद पटेलले सहायक सचिव सन्ध्या कुमारी मिश्रा र अन्य वार्ड सदस्य काशी शाह तुरहा, दीपेन्द्र साह कानु, सुशीला राय माझीसँगै ज्ञानमा आधारित प्रविधि आत्मसात गर्दै धैर्य र लगनशीलताका साथ तयारी गर्न आग्रह गर्नुभयो।
राष्ट्रिय जनचेतना विकास केन्द्रका सञ्चालकले पनि लोक सेवाको तयारीमा रहेका विद्यार्थीहरुलाई सहयोग गर्न कक्षा सञ्चालन गरिएको बताउँदै जिज्ञासु भएर अघि बढ्न प्रेरित गर्नुभयो।
