अभिलाष गुप्ता
वीरगंज २६ मंसिर
लायन्स क्लब वीरगंज परिवार र वीरगंज स्पोर्ट्स एकाडेमीको संयुक्त आयोजनामा जारी कर्पोरेट सुपर ६ क्रिकेट टुर्नामेन्ट अन्तर्गत आज सम्पन्न खेलहरूमा राष्ट्रिय वाणिज्य बैंक र राष्ट्र बैंक विजयी हुँदै क्वार्टरफाइनलमा प्रवेश गरेका छन्।
टुर्नामेन्टका नॉकआउट चरणहरू – क्वार्टरफाइनल, सेमिफाइनल र फाइनल – भोलि २७ गते शनिबार बिहान ८ बजेबाट सुरु हुने भएको आयोजक समितिले जनाएको छ।
लायन्स क्लब बिरगंज परिवारका अध्यक्ष लायन नरोत्तम पाण्डेका अनुसार प्रतियोगितामा उत्साहजनक प्रतिस्पर्धा भइरहेको छ र भोलिका निर्णायक खेलले विजेता टिमको टुंगो लाग्नेछ।
उक्त प्रतियोगितामा विभिन्न संस्थाका टोलीहरूको सक्रिय सहभागिता रहेको छ भने खेलप्रेमी दर्शकहरूको उपस्थिति पनि उल्लेखनीय रहेको आयोजकले जनाएको छ।
