हरिकिशोर शर्मा / भदौ २२ जिराभवानी पर्सा
रसुवाकाे भोटेकोशी बाढीबाट प्रभावित नागरिकहरूको राहत तथा पुनर्स्थापनाका लागि पर्साकाे जिराभवानी गाउँपालिकाले ५ लाख रुपैयाँ ५५ हजार आर्थिक सहयोग गर्ने भएको छ।गाउँपालिका अध्यक्ष अनोज चौधरीको अध्यक्षतामा आइतबार बसेको गाउँ कार्यपालिका (बोर्ड) काे बैठकले ५ लाख ५५ हजार रुपैयाँ सहयोग गर्ने निर्णय गरेको हो
अध्यक्ष चौधरीको अनुसार, गाउँपालिकाे विपद् व्यवस्थापन काेषबाट ५ लाख ५५ हजार तथा गाउँपालिकका जनप्रतिनिधिहरुकाे एक महिनाकाे तलबभत्ता सुविधा बराबरको रकम र गाउँपालिकामा कार्यरत कर्मचारीहरुबाट नेपाल सरकारले ताेके बमाेजिमकाे रकम गरी कूल ५ लाख ५५ हजार रुपैयाँ आर्थिक सहयाेग गर्ने निर्णय गरिएको हाे।
आइतबार बाेर्ड बैठकबाट निर्णय गरिएको रकम संकलन गरेर दुई तीन दिनभित्रै प्रधानमन्त्री दैवी प्रकाेप उद्धार काेषमा जम्मा गरिने गाउँपालिकाका प्रमुख प्रशासकीय अधिकृत अमित गिरीले जानकारी दिए।
बाढीका कारण जनधनको ठूलो क्षति व्यहोरेका रसुवा,नुवाकोट,धादिङ लगायतका नागरिकलाई विपद्को यस कठिन समयमा राहत र पुनर्स्थापनामा मद्दत पुगोस् भन्ने उद्देश्यले आकस्मिक बाेर्ड बैठक डाकेर आर्थिक सहयोग गर्ने निर्णय गरिएको गाउँपालिका अध्यक्ष अनोज चौधरीले बताएका थिए ।
