रक्सौल, ०१ फागुन
काली सेना का राष्ट्रिय अध्यक्ष पार्वती तिवारी को विशेष उपस्थितिमा आज १५ वटा गाउँका ‘गाउँ प्रमुख’हरूको विधिवत् चयन गरिएको छ। कार्यक्रम उत्साहपूर्ण वातावरणमा सम्पन्न भएको थियो। कार्यक्रममा संगठनका विभिन्न तहका पदाधिकारी तथा सदस्यहरूको उल्लेखनीय उपस्थिति रहेको थियो।
नवनिर्वाचित गाउँ प्रमुखहरूले औपचारिक रूपमा शपथ ग्रहण गर्दै काली सेनाप्रति पूर्ण निष्ठा, समर्पण र इमान्दारीका साथ आफ्नो जिम्मेवारी निर्वाह गर्ने प्रतिबद्धता व्यक्त गरे। उनीहरूले संगठनलाई अझ सुदृढ र प्रभावकारी बनाउँदै गाउँस्तरमा संगठनका गतिविधि विस्तार गर्ने तथा समुदायमा सकारात्मक सन्देश प्रवाह गर्ने संकल्पसमेत व्यक्त गरेका छन्।
कार्यक्रमलाई सम्बोधन गर्दै राष्ट्रिय अध्यक्ष तिवारीले नवनिर्वाचित सबै गाउँ प्रमुखहरूलाई हार्दिक बधाई तथा सफल कार्यकालको शुभकामना व्यक्त गरिन्। उनले संगठनलाई बलियो बनाउन अनुशासन, एकता र सक्रियताको आवश्यकता औँल्याउँदै प्रत्येक गाउँ प्रमुखले नेतृत्वदायी भूमिका निर्वाह गर्नुपर्ने बताइन्।
कार्यक्रमको अन्त्यमा सहभागीहरूले संगठनको उद्देश्य र सिद्धान्तअनुसार गाउँ–गाउँमा सशक्त उपस्थिति जनाउने प्रतिबद्धता दोहोर्याएका थिए।
