वीरगंज,पर्सा
नेपाली कांग्रेस क्षेत्र नं. १ मा चुनावी माहोल थप तातेको छ। उम्मेदवार अनिल रुङ्टालाई विजयी बनाउने लक्ष्यसहित नेपाली कांग्रेस पर्साका पूर्व सभापति अजय दिबेदी र नेता अरबिन्द्र गुप्ता एकजुट भएर आजदेखि सशक्त चुनावी अभियानमा होमिएका छन्।
आज भएको विशेष भेटघाट कार्यक्रममा बोल्दै पूर्व सभापति अजय दिबेदीले कांग्रेसभित्रको एकता र साझा लक्ष्यलाई जोड दिँदै भने,“हामी एक छौं, हाम्रो बाटो एक छ र हाम्रो लक्ष्य पनि एक छ। क्षेत्र नं. १ मा कांग्रेसको जित सुनिश्चित गर्न हामी सबै एक ढिक्का भएर अगाडि बढेका छौं।”
नेतृत्वबीचको यो एकताले कार्यकर्ता तथा समर्थकहरूमा नयाँ उत्साह थपेको छ। कांग्रेसको एकताबद्ध प्रयास र सक्रिय जनसम्पर्क अभियानले क्षेत्र नं. १ मा चुनावी तरंग सिर्जना भएको स्थानीय मतदाताहरूको भनाइ छ।
नेपाली कांग्रेसको यो एकजुट पहलले अनिल रुङ्टाको जितलाई थप मजबुत बनाउने विश्वास लिइएको छ।
