दिल्वैली। शाली जिल्लाका गौरव, सार्क देशहरूमा आफ्नो भाषा र संस्कृति प्रवर्द्धन गर्ने र मानवअधिकार पत्रकारितामा विशेष योगदान पुर्याएका मानवअधिकार टुडे का सम्पादक डा. शशि भूषण कुमारलाई नयाँ दिल्लीको वैज्ञानिक भवनमा आयोजित अन्तर्राष्ट्रिय हिन्दी सम्मेलनमा विशेष सम्मान प्रदान गरिएको छ। सो सम्मान विश्व हिन्दी परिषदका राष्ट्रिय महासचिव श्री बिपिन कुमारले आफ्नै हातबाट प्रदान गर्नुभयो।
२१–२२ नोभेम्बर २०२५ का दिन सम्पन्न सम्मेलनमा विश्वका विभिन्न देशका प्रतिनिधिहरूको उपस्थिति रह्यो। भारतका सबै राज्यका पत्रकार, साहित्यकार र हिन्दी प्रेमीहरू करिब २००–३०० जनाको सहभागितामा कार्यक्रम सफलतापूर्वक सम्पन्न भयो। कार्यक्रमको उद्घाटन लद्दाखका उपराज्यपालद्वारा दीप प्रज्वलन गरी गरियो, जसले समारोहको भव्यता थप्यो।
सम्मेलनका विभिन्न सत्रहरूमा शैक्षिक, सांस्कृतिक र साहित्यिक विषयवस्तुहरूमा समसामयिक छलफल र विचारविमर्श भए। देशभरका करिब आधा दर्जन विश्वविद्यालयका कुलपतिहरू अतिथि स्वरूप उपस्थित थिए। चर्चित कलाकार मिल्खान सिंह, नोएडा फिल्म सिटीका संस्थापक, पूर्व गृह राज्यमन्त्री, इथोपियाका राजदूत लगायत अनेकौं गण्यमान्य व्यक्तित्वको उपस्थितिले सम्मेलनलाई अझ विशेष र स्मरणीय बनायो।
डा. शशि भूषणले आफ्नो भाषाई र सांस्कृतिक योगदानमार्फत राष्ट्रिय र अन्तर्राष्ट्रिय स्तरमा हिन्दीको सम्मान र मान बढाउने कार्यलाई निरन्तर अघि बढाउने प्रतिबद्धता व्यक्त गर्नुभयो।
